پښتو اکېډمۍ کوټي د ژبو د نړيوالي ورځي په مناسبت يوه ستره غونډه ولمانځله چي په دې کښي بې شمېره وګړو شتون درلود. ستر ژبپوهان لکه زبير توروالي او ډآکټر منان آغا د ژبو د ودي په پائښت او امکاناتو خپلي علمي څېړني وړاندي کړې. دغه غونډه د ورځي په يوولس بجې پېل شوه او تر درو بجو ئې دوام درلود. د غونډي پېل د قرآن کريم په تلاوت سره وشو. د قرآن کريم د تلاوت وروسته دغه غونډه په پنځو برخو ووېشل شوه. په لومړۍ برخه کښي د پښتو اکېډمۍ کوټي جنرل سکرتر مشر خليل باور خپله وېنا وړاندي کړله او راغلو وګړو ته ئې ښۀ راغلاست ووايه. د قرآن کريم د څو ايتونو او ژباړو سره ئې د ژبو په اهميت خبري وکړې.
په دويمه برخه کښي ډاکټر منان اغا د نړۍ په کچه د ژبو په ستونځو خبري وکړلې. په ملټي ميډيا ئې يوه ګهنټه خپل لېکچر وړاندي کړ او دا ئې زياته کړه چي هغه ژبي چي ژوندۍ پاته دي او هغه چي مړې سوې دي يا د مرګ په حالت کښي دي د هم دغو وجوهات ئې په ګوته کړل او دا ئې څرګنده کړه چي په پاکستان کښي درۀ اويا ژبي شتون لري.
له هم دغي وروسته يو ژبپوه زبير توروالي چي په توروالي ژبي کښي ئې ډېر کار کړی دی. د ژبو د ودي او پر مختګ خبري ئې وکړې. په کالاش او داسي نورو سيمو کښي چي څومره د توروالي ژبي وګړي وسېږي او هغه د کومو ستونزو سره مخامخ دي د هغه ستونځي ئې وڅېړلې. د هغه پوهنځيو او مکتبونو انځورونه ئې په ملټي ميډيا و خلګو ته څرګند کړ چي دۀ هڅي پکښي کړې وې او د تورولي ژبي د ودي او پرمختګ پر بنياد ئې خپلي څېړني وړاندي کړې.
د پښتو اکېډمۍ کوټي صدر محترم سيد خېر محمد عارف سيد خېر محمد عارف د ټولو مېلمنو شکريه ادا کړله او د پښتو د نړيوالي ورځي په مناسبت ئې خپلي خبري وړاندي کړلې.
غونډه د پوښتنو او ځوابونو په ترڅ کښي پائ ته ورسېدله. په اخري سېشن کښي د راغلو مېلمنو زبير توروالي او ډآکټر منان آغا څخه د ژبو په اړوند ډېري پوښتني وشوې چي دوئ هم په وار وار د دغو پوښتنو ځوابونه ورکړل.